Caa lat ɛn ɣöö  rɛy wec kä pibor wec jäpɛ caa kɔmicinɛr duŋ jebel boma county kɛnɛ ram kɛl mi̠ di̠i̠t mi la kɔmandɛr kiɛɛ kuäär dëcni̠ caa kɛ näk ɛ bär.

Kɔmicinɛr cɔalɛ jeremiah lothiboi, kɔmɛndɛr SSPDF cɔalɛ Col Kaka thombum, kɛn diaal tin caa näk cuɔp kɛ 13, na̱k kɛ kɛ ɛn walɛ kɛ cäŋkä 19 kä pay 3 ruɔ̱ɔ̱n 2024 rɛy wec kä nyat town.

Ram ɛn la lääri̠ ɛ lat kä GPAA abraham kelang cɛ jɛ lat ɛn ɣöö caa kuäär SSPDF kɔmɛndɛr kɛnɛ ji̠ kɔaar pekdiɛn diaal cuɔp kɛ 13 caa kɛ näk ni kɛn diaal, kä caa nɛɛ 4 moc kɛ buɔ̱ɔ̱t.

Caa lat ɛn ɣöö ci̠ kɛ we kä nyat payam kä cuu kɛ niɛɛn ɛn wi̠ni̠ ɛ luny diɛn jɔk we diɛn kä jebel boma town ɛjɛn gua̱a̱th ɛn baa kɛ ben näk thi̠nɛ ŋuɛ̈tni̠ bär ti̠ ŋuan ɛlo̠ŋ ti̠ te kɛ mäc kɛn diaal. Kɛn nɛy tin caa näk te puɔlɛticiani̠ thi̠n kɛɛl kɛ kuäär jebel boma.